Psa 122 | Icelandic | STEP | Ég varð glaður, er menn sögðu við mig: ,,Göngum í hús Drottins.``

Psalms 122

1 Ég varð glaður, er menn sögðu við mig: ,,Göngum í hús Drottins.`` 2 Fætur vorir standa í hliðum þínum, Jerúsalem. 3 Jerúsalem, þú hin endurreista, borgin þar sem öll þjóðin safnast saman, 4 þangað sem kynkvíslirnar fara, kynkvíslir Drottins _ það er regla fyrir Ísrael _ til þess að lofa nafn Drottins, 5 því að þar standa dómarastólar, stólar fyrir Davíðs ætt. 6 Biðjið Jerúsalem friðar, hljóti heill þeir, er elska þig. 7 Friður sé kringum múra þína, heill í höllum þínum. 8 Sakir bræðra minna og vina óska ég þér friðar. 9 Sakir húss Drottins, Guðs vors, vil ég leita þér hamingju.